Júní 2019

Í morgun fóru meistarar í Bónus og versluðu ís handa okkur. Börnin eiga lítinn sjóð sem foreldrar hafa sett smá aur í og þá getum við notað hann til að gera okkur dagamun. Í hitanum í dag var frábært að fá ís til að kæla sig 🙂

Hér fyrir neðan má sjá nokkrar myndir frá því í morgun og annað sem við höfum brallað í júní.

Dagur leikskólans 6. febrúar

Í tilefni af degi leikskólans erum við í Koti að dreifa sérstöku fréttabréfi um skólann okkar hér í næstu hús í hverfinu. Hér fyrir neðan má lesa fréttabréfið og sjá nokkrar myndir af duglegu börnunum bera út 🙂

Fréttabréf dagur leikskólans

Tilkynning frá Fræðslusviði vegna innritunar og flutnings barna á milli skóla

Umsóknir um leikskóla og umsóknir um flutning milli leikskóla.

Aðalinnritun í leikskóla á Akureyri hefst í byrjun marsmánaðar n.k. með því að foreldrar fá sent innritunarbréf í tölvupósti. Því er mjög mikilvægt að umsóknum um leikskólapláss verði skilað inn fyrir 15. febrúar n.k. Sótt er um á rafrænu formi á https://www.akureyri.is/is/thjonusta/menntun/leikskolar

Foreldrum er bent á mikilvægi þess að yfirfara netföng sín vandlega í umsókninni.

Þeir foreldrar sem hafa hug á að flytja barn á milli leikskóla er bent á að mikilvægt er að umsóknum um flutning verði skilað inn fyrir 15. febrúar n.k. Ef umsóknum er skilað eftir 15. febrúar er ekki hægt að tryggja flutning á árinu. Þar sem verið er að skipta um leikskólakerfi í leikskólum bæjarins er ekki hægt að sækja rafrænt um flutning milli leikskóla. Hægt er að sækja um flutning hjá leikskólastjóra barnsins og á fræðslusviði Akureyrarbæjar í símum 460-1453 eða 460-1455 eða með því að senda tölvupóst á sesselja@akureyri.is

Nánar um innritun

Foreldrar sækja um ákveðin leikskóla í aðalval og hefur sá leikskóli ákveðið vægi í innritunarferlinu. Í fyrstu umferð innritunar er  umsóknum raðað inn eftir kennitölum í þá skóla sem settir eru í aðalval. Þegar umsóknir úr aðalvali hafa verið afgreiddar og enn eru laus pláss í viðkomandi skóla, er umsóknum úr varavali raðað inn eftir kennitölum.

Ef ekki er hægt að verða við óskum foreldra um þann skóla sem þeir setja í aðalval, er þeim umsóknum raðað inn í skólann sem þeir settu í varaval. Unnið er með þessar umsóknir eftir að innritun úr aðalvali er lokið. Þetta þýðir að umsókn úr varavali fer ekki fram fyrir umsókn í aðalvali hvers skóla fyrir sig.

Ef foreldrar sækja eingöngu um einn skóla og fá ekki tilboð um innritun barna sinna í hann er þeim boðið leikskólapláss annarsstaðar.

Af árgangi 2018 er gert ráð fyrir að innrita börn fædd í janúar, febrúar, mars og apríl. Vegna aldursamsetningar í leikskólum má gera ráð fyrir að ekki verði hægt að innrita þessi allra yngstu börn í alla leikskóla bæjarins.

Dagsetningar aðlögunar liggja fyrir í byrjun marsmánaðar.

Notalegheit rétt fyrir jól

Það var notalegt í Seli síðasta daginn fyrir jól. Börnum á Álfadeild og Dvergadeild var boðið upp á leik á báðum deildum ásamt því að fara í nudd til Hugrúnar í fundarherberginu. Það fara því allir slakir í jólafríið sem við vonumst til að verði friðsælt og ánægjulegt fyrir börn, foreldra og starfsfólk leikskólans.

Gleðileg jól

 

Kakóferð út í buskann

Í dag leyndist kakó- og smákökuferð út í buskann í dagatali á Álfa- og Dvergadeild. Ákveðið var að fara með hópa þvert á deildir, þannig að hægt væri að miða lengdina á gönguferðinni, við aldur barnanna í hópnum. Hér koma nokkrar myndir frá ferð Snillinga 🙂                                                                         

1 2 3 60