Author Archives: Þuríður Jóna Aradóttir

Ævintýraferð Krummahóps

Í gær fórum við í skemmtilega ferð sem stóð yfir í fjóra klukkutíma! Við byrjuðum á því að taka strætó í miðbæinn og löbbuðuðum þaðan á Amtbókasafnið þar sem Fríða tók á móti okkur í bangsabúningi og sagði okkur spennandi bangsasögu. Eftir að hafa skoðað okkur um í barnahorninu og skoðað bækur og leikið okkur meðal annars með bein úr kindum lá leið okkar aftur í miðbæinn þar sem við tókum strætó í Naustahverfi en þar býr Jóna – við fórum heim til hennar og horfðum á Hvolpasveit þar til pizzurnar voru tilbúnar. Flestir höfðu samt meiri áhuga á að borða saltstangir en pizzu og drukku safa með. Eftir máltíðina var ferðinni heitið á leiksvæðið við Naustaskóla þar sem við skemmtum okkur konunglega þar til tími var til að taka strætó heim á leið. Takk fyrir frábæra ferð, Jóna og Sandra. Hér má sjá myndir úr ferðinni.

img_4468

Afmælisbörn septembermánaðar í Seli

Síðasta dag hvers mánaðar er haldið upp á afmæli þeirra barna sem eiga afmæli í mánuðinum. Tröllin eru sér með sín börn en Dvergar og Álfar safnast saman í salnum og borða súkkulaðiköku. Afmælisbörnin fá að velja sér afmælishálsfesti til að vera með í veislunni og fá köku með íslenska fánanum. Í september var einungis eitt afmælisbarn en það var Ragna Dóra á Álfadeild. Hér má sjá myndir frá fagnaðinum.

img_4192

1 2 3 10